परीक्षामा बिग्रिएको तनावमा एक विद्यार्थीले आत्महत्या गरेका छन्।


स्याङ्जा, चैत्र १३ –

स्याङ्जा– परीक्षा बिग्रिएको तनावमा एक विद्यार्थीले आत्महत्या गरेका छन् । बिहीबार एसएलसीको अग्रेजी विषय परीक्षा दिएर घर फर्किएका दिपक पौडेलले घर नजिकैको रुखमा झुण्डिएर आत्महत्या गरेको प्रहरीले जनाएको छ । उनलाई १२ गते ५ वजे रुखमा झुण्डिएको अवस्थामा भेटिएको थियो । पुतलीबजार नगरपालिका ९ लामागेका १६ वषिर्या पौडेल श्रवण माविका विद्यार्थी हुन् । घर र्फकने क्रममा अंग्रेजी विषयको परीक्षा विग्रेको साथीहरुसँग गुनासो गरेकाले परीक्षाकै कारणले आत्महत्या गरेको हुनसक्ने अभिभावकको अनुमान छ ।

लहान– लहानमा परीक्षामा चिट चोराउन सहयोग गरेको र परिक्षा अनियमितता गरेको भन्दै सिरहाको लहानस्थित विभिन्न चारवटा परीक्षा केन्द्रबाट शुक्रबार ११ जना गार्ड र परिक्षार्थी पक्राउ परेका छन् ।   वडा प्रहरी कार्यालय लहानका प्रहरी निरीक्षक विपीन रेग्मीका अनुसार लहानस्थित पशुपति आर्दशमावि परीक्षा केन्द्रबाट अनियमितता गराएको भन्दै गार्डहरु सिरहा देविपुर २ का रामवावु सिंह, फुल्काहाकटीका अमिर कुमार मण्डल, बस्तीपुरका महेश कुमार यादव, महेशवारीका केदारनाथ यादव, लक्ष्मीपुरका मदन कुमार सिंह पक्राउ परेका छन् ।  त्यसैगरी ललकु मावि केन्द्रबाट लहान ५ का कमलेश्वर चौधरी, विष्णुपुरकटीका रविन्द्र कुमार यादव, सफटेक परीक्षा केन्द्रबाट सीतापुरका राजकुमार राम,विष्णुपुरकटीका रमेश यादव र एपोलो परिक्षा केन्द्रबाट महादेवा पोर्ताहाका महेन्द्र चौधरी र लालपुरका पृथ्वी सुनार पक्राउ परेका हुन् । उनीहरुलाई सिरहाका प्रमुख जिल्ला अधिकारी बिरेन्द्र यादव नेतृत्वको अनुगमन टोलीले पक्राउ गरेको हो ।  पक्राउ परेका सबैलाई परीक्षा सम्वन्धी नियमावली अनुसार चिट चोराउने लगायतका गतिविधीमा संलग्न भएको प्रावधान अनुसार कारवाही गरिने जिल्ला परिक्षा समितिले जनाएको छ विराटनगरको गोग्राहा उच्चमावी परीक्षा केन्द्रमा विहीवार एसएलसी परीक्षा दिनका प्रवेश गर्न लाइनमा उभिएका विद्यार्थीहरु । तस्वीरः लीलावल्लभ घिमिरे

परिक्षा केन्द्रमै परिक्षार्थी सुत्केरी

सिन्धुली- सिन्धुलीको खुर्कोट परिक्षा केन्द्रमा शुक्रबार अनिबार्य नेपाली विषयको एसएलसी परिक्षा दिदादिदै एक परिक्षार्थीले छोरी जन्माएकी छन् । जलकन्या उच्च मावि चपौलीबाट एसएलसी परिक्षामा सहभागि भएकी १९ वषिर्या कमला श्रेष्ठले परिक्षा केन्द्रमै बच्चा जन्माएकी ईलाका प्रहरी कार्यालय खुर्कोटले जनाएको छ । बैतडीकी २१ वषिर्या आरती थापापछि परिक्षाकेन्द्रमै सुत्केरी हुने श्रेष्ठ दोस्रो भएकी छिन् । सुत्केरी परिक्षार्थी आमा र बच्चा दुवैको अवस्था सामान्य रहेको छ । जिल्ला शिक्षा कार्यालयका अनुसार नेपाली विषयको परिक्षा शान्तिपुर्ण रहृयो । एसएलसी परीक्षाको पहिलो दिन विहीवार हेटौडाको भुटनदेवी उच्च माविको परीक्षा केन्द्रमा प्रवेश गर्नु अघि प्रहरीलाई परीक्षार्थीहरुको शरीरमा चेकजाच गर्दै ।  तस्वीर: प्रताप विष्ट

नक्कली परीक्षार्थी पक्राउ झापाको बेलडांगी स्थित भूटानी शरणार्थी शिबिरको एसएलसी परिक्षा केन्द्रबाट शुक्रबार दुई जना नक्कली परिक्षार्थी समातिएका छन् । इलाका प्रहरी कार्यलय दमकका अनुसार त्यहांक्ो त्रिरत्न माबि परीक्षा केन्द्रबाट सागर सुजीको नाममा परीक्षा दिइरहेका प्रल्हाद सुब्बा र तिलक सुब्बाको नाममा परीक्षा दिइरहेका तारानाथ घिमिरे समातिएका हुन् । प्रल्हाद मेची बहुमुखी क्याम्पस भद्रपुरमा कक्षा १२मा अध्ययनरत छन् भने घिमिरे दमक बहुमुखी क्याम्पसमा कक्षा ११मा अध्ययनरत रहेको प्रहरीले जनाएको छ ।दुबैजना भूटानी शरणार्थी हुन् । केन्द्राध्यक्ष द्रोण श्रेष्ठका अनुसार परीक्षार्थीको थर र परीक्षा दिनेको अनुहार नमिलेपछि अनुसन्धान गर्दा उनीहरु नक्कली परीक्षार्थी भएको खुलेको हो ।दुबैलाई अहिले अनुसन्धानका लागि  इलाका प्रहरी कार्यलय दमकमा ल्याइएको छ  । शिक्षा ऐन अनुसार नक्कली परीक्षार्थीलाई १ लाख रुपैंया जरिवाना र छ महिना जेल सजांय हुन सक्ने प्रहरी निरीक्षक नबिन कार्कीले बताए।

बच्चा जन्मेको एक घण्टापछि परीक्षा

दाङ– दाङमा आज बच्चा जन्माएको एक घण्टामै एक सुत्केरी महिलाले एसएलसी परिक्षा दिएकी छिन् । पुरन्धारा गाविसको मावि हंशपुर परीक्षा केन्द्रबाट परीक्षा दिइरहेकी स्थानीय तारा मल्लले बच्चा जन्माएको एक घण्टामै परीक्षा दिएको जिल्ला शिक्षा कार्यालयले जनाएको छ । बिहान करिव सात वजेतिर बच्चा जन्माएकी ताराले ८ बजेदेखि सुरु भएको नेपाली बिषयको परिक्षा शिक्षा कार्यालयका परीक्षा अधिकृत शेरवहादुर केसीले जानकारी दिनुभएकोछ।

दिपायलको दिल्पेश्वर परिक्षाकेन्द्रमा परिक्षा सुरु भएको एक घण्टापछि प्रश्नपत्र वाहिरिएपछि उत्तर सार्दै युवाहरु । तस्विर : मोहन शाही

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

%d bloggers like this: