गर्लफ्रेण्ड छैनन् पारसका


detail article image टिमको नेतृत्व सम्हालेको दोस्रो प्रतियोगितामै पारस खड्काले नेपाललाई ऐतिहासिक सफलता दिलाए । डेढ दशक लामो नेपालको अन्तर्राष्ट्रिय क्रिकेटको सहभागितामा सिनियर टिमले एकपछि अर्को असफलता बेहोर्दै आएको थियो । आईसीसी वल्र्ड क्रिकेट लिग डिभिजन फाइवको उपाधिले नेपालको हारको श्रृंखलामा पूर्णविराम लगायो । यो जितले अवसरसँगै चुनौती पनि बढाएको छ । त्यसैले टिम कप्तान पारस निक्कै उत्साहित छन् ।

राजधानीस्थित बुद्ध नगरका २३ वषर्ीय पारस भाग्यमा विश्वास गर्छन् । भगवान्प्रति उनको आस्था बलियो छ । ‘मेहनत गरे प्रतिफल पाइन्छ’, उनले भने, ‘परिश्रम गर्नेलाई भगावान्ले पनि हेर्छन् ।’ भाग्यमा भरोसा गर्ने धेरैका लागि राशिफलले दैनिक कार्यको सूची निर्धारण गर्छ तर पारसको दिनचर्यामा त्यो लागू हुँदैन, किनभने उनी राशिफलमा विश्वास गर्दैनन् । उनी आफ्नो वृश्चिक राशिको राशिफल कहीँ कतै कहिल्यै हेर्दैनन् ।

क्रिकेटको अभ्यासमा दैनिक तीन घण्टा बिताउने पारस क्रिकेट अभ्यास नगरेको बेला फिटनेस ट्रेनिङमा समय खर्चन्छन् । उनी बास्केटबलका पनि राम्रा खेलाडी हुन् । कुनै बेला टाइम्स क्लबका लागि खेल्ने पारस अहिले मीनभवनको एनसीसीका लागि खेल्छन् । उनले राजधानीका ठूला बास्केटबल प्रतियोगिताको अनुभव सँगालिसकेका छन् । ‘सबै खेलमा रुचि छ’, उनले भने, ‘टेलिभजिनमा बास्केटबल, फुटबल र टेनिस पनि हेर्ने गरेको छु ।’

बीबीएस तेस्रो वर्षमा अध्ययनरत पारसका लागि क्रिकेट ज्यान हो, जीवन र मुटु हो । ‘जबसम्म शारीरिक क्षमताले सकिन्छ तबसम्म नेपालका लागि क्रिकेट खेल्नेछु’, उनले जोसिलो स्वरमा भने, ‘क्रिकेटले सबैथोक दिएको छ । क्रिकेटसँगै अध्ययनलाई पनि निरन्तरता दिइरहनेछु, राम्रो भएसम्म क्रिकेटमै करियर बनाउने लक्ष्य छ । अन्य केही गर्ने हो भने त्यो भविष्यै सोच्नेछु ।’ जे गरे पनि राम्रो गर्नुपर्छ भन्ने पारस परिवारको खुलापन र सपोर्टले नै आफ्नो खेलजीवन सफल भएको बताउँछन् ।

क्रिकेट प्रेमले उनलाई कुनै बेला चुर्लुम्म डबाएको थियो । साउथ प्वाइन्ट बोर्डिङको क्रिकेट कल्चर नै उनका लागि ब्याट-बलमा अभ्यास गर्ने माध्यम बन्यो र पारसलाई अहिले त्यसैले चिनायो । टाइमको राम्रो म्यानेजमेन्ट गर्ने हो भने अध्ययनसँगै क्रिकेटलाई अघि बढाउन सकिन्छ भन्ने तथ्य उनले राम्रोसँग बुझेका छन् । आफू सानो छँदा पिताले क्रिकेट खेलेको पनि उनको स्मृतिमा ताजै छ । ‘त्यसले पनि मलाई क्रिकेटमा लाग्न सजिलो भयो’, पुख्र्यौली बूढानीलकण्ठ, टोखाका पारसले बताए । अहिले बुबा एभरेस्ट म्यानपावर ट्रेनिङ इन्स्िटच्युट सञ्चालन गर्छन् भने आमा घर व्यवहार सम्हाल्छिन् । पारसको परिवारमा एक भाइ तथा हजुरबुबा-हजुरआमा छन् ।

अक्टोबर २४ मा बर्थ डे मनाउँदै आएका पारस ६-७ वर्षपछि मात्र विवाह गर्ने सुरमा छन् । ‘अहिले नै विवाह गर्ने कुनै योजना छैन’, उनले भने । स्टार खेलाडीहरूलाई केटीहरूको प्रेम प्रस्ताव पनि थुप्रै आउँछन् । पारसलाई पनि नआएको होइन । ‘केही प्रेम प्रस्ताव आएका थिए’, लाज मान्न नचाहने उनले भने, ‘तर कुरा अघि बढेन । त्यसैले प्रस्तावमै सीमित रह्यो ।’ उनलाई अनुहार परेकी मात्र होइन, समाज अनुसार राम्रा पहिरन लगाउने, राम्रो बोलीचाली एवं व्यवहार भएकी युवती मन पर्छन् । गर्लप|mेन्ड नभए पनि उनका साथी भने प्रशस्तै छन् ।

साथीहरू उनलाई पारस वा पाने भनेर बोलाउँछन् । ‘सबै साथी आफ्नै हुन्, जे भने पनि फरक पर्दैन, खुसी नै लाग्छ’, उनले हाँस्दै भने । घरमा मम्मीले भने उनलाई माया गरेर पारूँ भनेर बोलाउने गरेकी छिन् । फुर्सदमा साथीहरूसँग घुम्न तथा टेलिभजन हेर्न रुचाउने पारसका पि्रय खेलाडी माइकल क्लार्क हुन् । उनलाई क्लार्कको शैली खुबै मनपर्छ । उनलाई मनपर्ने टिम पनि क्लार्ककै अस्ट्रेलिया हो । फुटबलमा लिभरपुलका फ्यान पारसलाई लिभरपुलका कप्तान स्टेभेन जेरार्ड पनि सानैदेखि राम्रा लाग्छन् ।

पास्ता र दाल-भात, तरकारी रुचाउने पारसलाई खाना पकाउन भने आउँदैन । ‘मम्मीले पकाउनुहुन्छ’, उनले बताए । पारस इङ्लिस चलचित्र घरमै हेर्छन् । हिन्दी चलचित्र हेर्न साथीहरूसँग हलमा जान्छन् । उनलाई अहिलेसम्म राम्रो लागेको हिन्दी चलचित्र रंग दे वसन्ती र तारे जमिन पर हो । उनी लिदन्किन पार्क, जायज र कोल्ड प्लेका गीत बढी सुन्छन् । हुन त उनलाई सबै खालका गीत मनपर्छन् । नेपथ्यका गीत र मेहनत मन पराउने पारस दीपक खरेलको ‘तिम्रो त्यो हँसिलो मुहारले’ गीतले आफ्नो मन छोएको बताउँछन् । पारस साथी, परिवार र टिममा मिलनसार, भलाद्मी र चाहेको बेला सही निर्णय गर्न सक्ने खुबी भएका क्रिकेटर हुन् ।

One Response

  1. के हो आर बि सर पारस को ग्रल फ्रेन्ड कुवेत मा नै मिलाउन लाग्नु भयोकी कसो ?

जवाफ लेख्नुहोस्

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

%d bloggers like this: